चाकण मध्ये उच्चशिक्षित शेवकरी आणि आहेर यांचा फुले एज्युकेशन तर्फे 50 वा.सत्यशोधक विवाह सोहळा होणार
आटपाडी kd24news :चाकण. फुले शाहू आंबेडकर एज्युकेशनल अँड सोशल फाऊंडेशन पुणे चे बहुउद्देशीय सत्यशोधक केंद्रातर्फे रविवार दि.16 फेब्रुवारी 2025 रोजी सायंकाळी 6 वाजता चाकण आबेठाण चौक येथील स्वयंवर मंगल कार्यालय येथे सामाजिक कार्यकर्त्या अखिल भारतीय समता परिषद च्या.सौ.मंगल शेवकरी यांची उच्चशिक्षित सत्यशोधिका दीपाली विश्वनाथ शेवकरी,BCA,LLB,चाकण आणि समाजसेवक बाळकृष्ण आहेर यांचे सत्यशोधक पंकज आहेर,CA यांचा महात्मा फुले यांना अभिप्रेत असलेल्या पद्धतीने सत्यशोधक विवाह सोहळा संपन्न होणार आहे.
या सोहळ्याचे विधिकर्ते म्हणून संस्थेचे अध्यक्ष व महात्मा फुले चरित्र साधने साहित्य व प्रकाशन समितीचे निमंत्रित सदस्य सत्यशोधक रघुनाथ ढोक हे नेहमी प्रमाणे महात्मा फुले यांच्या वेशभूषेत विधी कार्य पडणार आहेत तर महात्मा फुले रचित मंगलाष्टकाचे गायन राष्ट्रीय ओबीसी महासंघाचे विश्वस्त प्रा. सुदाम धाडगे हे करणार आहेत.
यावेळी वधू वर याना सत्यशोधक विवाह प्रमाणपत्र आणि थोर समाज सुधारक महात्मा फुले आणि सावित्रीबाई फुले यांची फोटो फ्रेम भेट दिली जाणार आहे. यावेळी वधू वर यांचे आई वडील व मामा मामी यांना राष्ट्रीय ओबीसी महासंघाचे वतीने सन्मान पत्र येण्यात येणार आहे.या वेळी सुरवातीला वधू वर यांचे शुभहस्ते नुकतेच चाकण मध्ये कृषी उत्पन्न बाजार समिती आवारातील पूर्णाकृती महात्मा फुले व सावित्रीबाई फुले यांच्या पुतळ्यास व विवाह स्टेजवरील फुले दाम्पत्य अर्थ पुतळ्यास पुष्पहार अर्पण करून या प्रसंगी अंधश्रद्धा व कर्मकांड याला छेद देत वधू वर यांचे कडून शपथ व दीप प्रज्वलन करून 7 वचने घेऊन 7 फेरे पूर्ण करणार आहेत.यावेळी अनेक मान्यवर मंडळी उपस्थित राहणार असून त्या सर्वांना ज्ञानज्योती सावित्रीबाई फूले ग्रंथ आयोजक सौ.मंगल शेवकरी हे भेट देणार आहेत असे विधीकर्ते ढोक यांनी माहिती देताना चाकण येथील मोनिका हॉटेल मध्ये दि19 मार्च 2019 रोजी संस्थेच्या वतीने पहिला सत्यशोधक विवाह सोहळा संपन्न झाला होता आणि येत्या रविवारी हा 50 वा. सत्यशोधक विवाह सोहळा होणार आहे तसेच दि.23 फेब्रुवारी 25 रोजी सांगोला , घेरडी येथे 51 वा.सत्यशोधक विवाह होणारा असून 395 व्या.शिवजयंती दिनी दि.19 फेब्रुवारी 25 ला.12 वा.गृहप्रवेश सोहळा सत्यशोधक पद्धतीने हिंगोली, कळमनुरी येथे होणार असल्याचे ढोक यांनी सांगितले.
